第一天上班

今天有兩個重要約會, 其中一個是約了某某某及其母親大人到Central Market 頂好酒家飲茶, 另外是第一天到Conucil上班的地方與Manager 進行上班的介紹。

由於以前曾經因事到過ACC的其他部門都略知要著formal dress, 昨天晚上弄了一整晚。早上這身返工look 被眾同枱茶友視為怪物... 我也不想著因為行路會行得慢同辛苦, 但先敬羅衣後敬人而且你無條tie同西裝(庶民智慧乎?)會好似不尊重他們似的, 所以著普通那套西去上班。(雖然媽媽話第一天用太formal, 但今天要違命了)

因為有些緊張下午的meeting, 上午好似變了個無口死小孩, 整個飯局成了"沖茶佬" (係HK 都係最喜沖茶, 而且又勁飲再飯, 我去飲茶真係叫乎其實去嘆茶的...), 而且有也找不話題, 默默無言地喝茶...

到了三點緊張時刻到, 經個保安檢查之後, 我坐在大堂等Manager of Development Assessment (DA): Adam (他的妻子叫Eva嗎? :>) , 起初幻想的他是一個50-60歲和藹可親的伯伯, 點知來了個30歲左右高大的俊男...O咀. 之後例行互相介紹之後就上寫子樓4/F 開meeting.

上到去, Office 裝修好現代, 我地入了會議室, 係meeting 中簡短互相介紹大家, 之後他就問我的專長/喜好, 跟住就談工作日數, 上3/4/5天班。我想返4天,問題是因為唔夠枱用我可能有時要返3/4/5日(因有無人放假而定), 我話我坐邊都得無乜所謂, 點知他好語重心長話我地係1 team人,而且你坐within team 可以係別人交談中學到野, 太感人了!! 呢D就係叫愛! 哈哈! 起碼知唔係去影印先啦! 好感動呀!!

之後無幾耐他就談起了服裝, 他話formal dress好緊要,因為時常會叫去同市長,部長或外ハ開會, 要著得有Professional aspect, 重讚我dress up 好Professional (我聽完漂漂然了1s, 笑了一笑... 喂, 經持呀!!)

最後, 約莫介紹了一些DA職能, team裡幾多人, 共20人: 8 planners, 3 測量師, 其他係Admin staffs. 好多人呀!! 最後如無意外下星期一就正式上班, 上班時間為08:30-17:00. (7.6hrs per day) 好早呀!! 有些怕起不到身耶! 努力工作吧!! (但首先send C.V. 被亞當, 然後好好把那些功課清掉吧!!)